Engitech MMC olaraq təhsil müəssisələrində informasiya texnologiyaları infrastrukturunun inkişafına xüsusi önəm veririk. Bu istiqamətdə həyata keçirdiyimiz son layihələrdən biri də Qala Ada məktəbi ilə bağlı olmuşdur. Məktəbdə müasir tələblərə cavab verən İT infrastrukturu qurularaq, həm tədrisin keyfiyyətini, həm də təhlükəsizlik səviyyəsinin yüksəldilməsi təmin edilmişdir.

Layihə çərçivəsində görülən əsas işlər:

• Yüksək sürətli və etibarlı şəbəkə infrastrukturunun quraşdırılması,
• Server avadanlıqları ilə birlikdə rack kabinlərin montajı və yerləşdirilməsi,
• Məktəbin ərazisində təhlükəsizliyin təmin olunması məqsədilə müşahidə kameralarının quraşdırılması,
• Uzunmüddətli və dayanıqlı bağlantı üçün fiber optik kabel xətlərinin çəkilməsi və test edilməsi.

Serverlərin rack kabinlərdə yerləşdirilməsi nəticəsində avadanlıqların daha təhlükəsiz və səmərəli işləməsi təmin olundu. Bununla da məktəbin ümumi İT infrastrukturu beynəlxalq standartlara uyğunlaşdırıldı, həm şəbəkə sabitliyi, həm də təhlükəsizlik səviyyəsi əhəmiyyətli dərəcədə gücləndirildi.

Engitech MMC olaraq əsas məqsədimiz müştərilərimizə innovativ, təhlükəsiz və etibarlı texnoloji həllər təqdim etməkdir. Təhsil müəssisələrində həyata keçirdiyimiz layihələr isə gələcək nəsillərin daha rahat və müasir mühitdə təhsil almasına xidmət edir.