27 fevral 2026-cı il tarixində Engitech LLC and Techpro DC-nin birgə təşkilatçılığı ilə, Fortinet tərəfindən təqdim olunan LAB əsaslı praktiki təlim uğurla keçirildi.

Təlim Fortinet-in müasir kibertəhlükəsizlik həllərinə həsr olunmuş olub, real iş mühitinə uyğun hazırlanmış ssenarilər üzərində praktiki çalışmaların icrası ilə müşayiət olundu. LAB əsaslı format iştirakçılara real şəbəkə infrastrukturu üzərində təhlükəsizlik mexanizmlərinin qurulması, konfiqurasiyası və idarə olunması üzrə dərin praktiki biliklər əldə etmək imkanı yaratdı.

Sessiyalar zamanı şəbəkə təhlükəsizliyi, kibertəhdidlərin aşkarlanması və qarşısının alınması, eləcə də müasir kibertəhlükəsizlik yanaşmalarının tətbiqi ilə bağlı aktual mövzular ətraflı şəkildə müzakirə edildi. Təlimin interaktiv formatda keçirilməsi iştirakçıların bilik və bacarıqlarının möhkəmləndirilməsinə və real ssenarilərdə operativ qərarvermə bacarığının inkişafına mühüm töhfə verdi.

Engitech LLC olaraq biz, bu təlimin təşkilatçısı kimi, eyni zamanda komandamızla birlikdə təlimdə aktiv iştirak etdik. Bu, mütəxəssislərimizin Fortinet texnologiyaları üzrə biliklərini daha da dərinləşdirməyə, praktiki təcrübələrini artırmağa və müştərilərimizə təqdim etdiyimiz xidmətlərin keyfiyyətini yüksəltməyə imkan yaratdı.

Bu uğurlu təlimin həyata keçirilməsində göstərilən əməkdaşlığa görə Fortinet and Techpro DC komandalarına təşəkkür edir, gələcəkdə də bu kimi faydalı və praktiki yönümlü layihələrin davam etdirilməsini planlaşdırırıq.