7 Məsciddə Təhlükəsizlik Layihəsi

Engitech MMC tərəfindən Ağdaş, Yevlax və Ucar rayonlarında yerləşən 7 məsciddə videomüşahidə və şəbəkə infrastrukturunun yenilənməsi layihəsi uğurla həyata keçirilib.

Layihə çərçivəsində Daxili İşlər Nazirliyinin videomüşahidə sistemləri üçün PTZ, outdoor və indoor tipli təhlükəsizlik kameralarının quraşdırılması həyata keçirilib. Eyni zamanda mövcud rack kabinetləri restavrasiya olunub, son nöqtələrin adlandırılması və sistemləşdirilməsi aparılıb, kabel kanalları və borular texniki standartlara uyğun şəkildə çəkilərək həm funksionallıq, həm də estetik görünüş təmin edilib.

Görülən işlər Ağdaş rayonunda Hacı Fəzail Ağa Məscidi, Üç Qovaq Məscidi, Hacı İsmayıl Ağa Məscidi və Hacı Osman Ağa Məscidində, Yevlax rayonunda Yevlax Cümə Məscidi və Xaldan Cümə Məscidində, həmçinin Ucar Cümə Məscidində icra olunub.

Layihənin əsas məqsədi təhlükəsizlik sistemlərinin etibarlılığını artırmaq, videomüşahidə infrastrukturunu müasir tələblərə uyğunlaşdırmaq və obyektlərdə mərkəzləşdirilmiş nəzarət imkanlarını genişləndirmək olub.

Engitech MMC olaraq müxtəlif təyinatlı obyektlərdə təhlükəsizlik, videomüşahidə və şəbəkə infrastrukturunun qurulması sahəsində peşəkar və etibarlı həllər təqdim etməyə davam edirik.