Engitech MMC tərəfindən Şamaxıda yerləşən “Resort in Azerbaijan” layihəsi çərçivəsində obyektin tam İT və təhlükəsizlik infrastrukturu uğurla qurulmuşdur. Layihənin əsas məqsədi kompleks üçün müasir texnologiyalara əsaslanan, təhlükəsiz, dayanıqlı və yüksək performanslı bir idarəetmə və kommunikasiya mühiti yaratmaq olmuşdur. Bu məqsədlə bütün sistemlər beynəlxalq standartlara uyğun şəkildə planlaşdırılmış və peşəkar yanaşma ilə icra edilmişdir.

Layihə çərçivəsində obyektin şəbəkə infrastrukturu sıfırdan qurularaq bütün daxili və xarici texnoloji əlaqələrin stabil və fasiləsiz işləməsi təmin edilmişdir. Strukturlaşdırılmış kabel sistemi, aktiv şəbəkə avadanlıqları və yüksək sürətli bağlantı həlləri tətbiq olunaraq kompleksin gündəlik əməliyyatlarının təhlükəsiz və effektiv şəkildə idarə olunmasına şərait yaradılmışdır.

Bundan əlavə, server sistemi müasir tələblərə uyğun şəkildə quraşdırılmış və konfiqurasiya edilmişdir. Qurulan server infrastrukturu məlumatların təhlükəsiz saxlanılması, sürətli emalı və sistemlərin davamlı fəaliyyəti üçün etibarlı platforma təmin edir. Layihə daxilində IP telefoniya sistemi də inteqrasiya olunaraq obyekt daxilində yüksək keyfiyyətli və stabil kommunikasiya imkanları yaradılmışdır.

Təhlükəsizlik həlləri layihənin əsas prioritet istiqamətlərindən biri olmuşdur. Bu çərçivədə yanğın siqnalizasiya xətti peşəkar şəkildə çəkilmiş və təhlükəsizlik standartlarına uyğun olaraq sistem tam inteqrasiya edilmişdir. Eyni zamanda Access Control həlləri tətbiq edilərək obyekt daxilində giriş-çıxışların idarə olunması və təhlükəsizlik nəzarəti optimallaşdırılmışdır. Qurulan sistemlər sayəsində obyektin təhlükəsizlik səviyyəsi maksimum dərəcədə artırılmışdır.

Layihə çərçivəsində public anons sistemi də quraşdırılmış və kompleks daxilində operativ məlumatlandırma, elan və fövqəladə hallarda sürətli kommunikasiya imkanları təmin edilmişdir. Bütün sistemlər bir-biri ilə uyğun və inteqrasiya olunmuş şəkildə çalışacaq formada hazırlanmışdır.